sana may nagawa pa ako…….

Kahapon schedule ko sunduin si chubbs sa makati. Umaambon nun at medyo maaga pa naman so di ako nagmadali na sumakay ng bus. Hihihintay ko yung “mannrose” na bus (sana tama yung spelling) dahil parang sakay ka sa kotse pag dun ka sakay. Mga 10-15 minutes nako nakatambay dun sa tapat ng starmall nang biglang may nadulas sa harap kong matandang lalaki… Medyo madulas talaga ang daan. 2 baitang ang hagdan na nasa harap ko at dun cya nadulas. Medyo natulala ako nun pero nagawa ko gumalaw at itinayo ko at nang isang mama ang matandang lalake. nasa 5′7 ang taas ng matanda. naka polo at brown pants. Mabilis ang pangyayari. Nakita ko na puno na ng dugo ang hagdan. pag-angat ko sa kanya puno na ng dugo ang kamay ko ganun din ang kanyang polo. Nagulat ako sa nakita ko. Pumutok ang kanang kilay nya na halos bumuka na ang laman. Ang kanang bahagi ng noo naman nya ang pumutok din. Pinaka malaki yun. Makikita mo na butas yon. Hindi ko alam ang gagawin ko. Tinakpan nya agad ng panyo ang kanyang noo. Kung tititigan mo ay mararamdman mo ang sakit pero palagay ko manhid na yun sa lakas ng pagkakaumpog niya. Iniupo namin cya sa tabi, pinulot ko ang kanyang salamin. Maya maya ay nkita ko ang isang “barker” at sinabi nyang may clinic sa loob ng mall. Gusto ko sana syang isakay sa taxi para madala sa hospital pero nakinig na lamang ako sa isang security guard. Nagradyo na kasi cya ng sasakyan para madala ang matanda sa hospital. Sa isip-isip ko ok na yun dahil may nurse malamang na kasama galing sa clinic ng mall. Naghintay kami… medyo matagal. mga 5 minutes ata or mahigit pa sa paghihintay ng sasakyan na dumating. Sinabi na nang matanda saken na kung pwede na cyang ihatid sa hospital dahil may alam daw syang malapit. Pero wala kaming alam na malapit na Hospital dun. Tinanong ko sya kung saan pa sya umuuwi. “Sa alabang pa ako uuwi..” yun ang sabi nya saken. Ang layo pa. Hindi ko matiis na tignan sya sa ganung kalagayan. Maya maya 2 na ang security guard na naka radyo. Palagay ko malapit na dumating ang sasakyan nila. May nakita na ako na mannrose. Ipinagkatiwala ko na sa 2 sikyo ang matanda. “Manong kayo na po ang bahala sa kanya…” ang sabi ko… di ko na kase kayang tignan ang matanda. Naawa kase ako. Tapos nang maka 4 na hakbang ako papalayo narinig ko na lang sa matanda na sinabi.. ” salamat iho ha…” medyo nadurog ako dun.. parang di ko kayang umalis… gusto ko syang samahan hanggang hospital para makita ko mismo kung ayos sya… sa palagay ko naman di sya pababayaan ng mga security dun… nasaan kaya ang kamag-anak nang matanda? bakit kaya hinayaan syang lumakad sya ng mag-isa?……… pero sa loob loob ko, gusto ko sana na nakita syang nagamot at nasa maayos na estado….